Өнеркәсіптік түрлендірудің жаңа кезеңі
2023 жылдың 16 науырызында Халел Өзбекғалиев атындағы Маңғыстау жоғары политехникалық колледж базасында “Жас маман” жобасы аясында ашылған “Дәнекерлеу технологиясы”, “Токарлық іс және металлөңдеу”, “ІТ технологиялар” құзыреттілік орталықтардың жоспарына сәйкес, “Өнеркәсіптік түрлендірудің жаңа кезеңі” тақырыбында заманауи технологиялық жабдықтармен жасалған колледжішілік өнімдер жәрмеңкесі ұйымдастырылып өтті. Жәрмеңкеге келген әлеуметтік серіктес мекеме қызметкерлері, бұрынғы бітірген түлектер мен қонақтарға құзыреттілік орталықтардың қызметкерлері мен колледж студенттері жасаған өнімдері ұсынылды. Жәрмеңкеден түскен қаражат қайырымдылық қорына жіберілетін болады. Шараға ат салысқан барлық қызметкерлерімізге алғыс білдіреміз!