Қазақстан Республикасының Президенті Қ.К. Тоқаевтың 2025 жылды Еңбек мамандықтары жылы деп жариялауына байланысты Қазақстан Республикасы Оқу-ағарту министрлігі және Республикалық ғылыми-педагогикалық кітапхана 2025 жылғы 15-16 мамыр күндері Семей қаласындағы М.Әуезов атындағы педагогикалық колледж базасында колледж директорлары мен кітапханашыларына арналған «Кітап шаһары – 2025» республикалық семинары өтті. Іс-шара техникалық және кәсіптік білім беруді дамытудың 2022–2025 жылдарға арналған жоспары аясында «Жас талап» және «Оқуға құштар колледж» жобаларын іске асыру мақсатында өткізілді. Семинардың мақсаты – техникалық және кәсіптік білім беру ұйымдары кітапханаларының қорларын толықтыру, жұмыс арттыру, кітапханашылардың шығармашылық белсенділігін нығайту және олардың мәртебесін көтеру.
Семинар барысында кітапханалардың материалдық-техникалық базасын нығайту, цифрландыру және кітап қорын оқу және көркем әдебиетпен толықтыру мәселелері, колледж кітапханаларының оқу-тәрбие процесіндегі рөлі мен орны талқыланды. Бұл семинарға колледжіміздің кітапхана меңгерушісі Р.С. Бекмуратова қатысып, шара соңында “Құрмет грамотасы” мен сертификатпен марапатталды.