Амал келді – Жыл келді
14 наурыз – Амал мерекесі. Бұл – “қырдағы елдің ойдағы елмен араласып, күлімдесіп, көрісетін кезеңі”. Иә, айдан аман, жылдан есен шыққан жұрт жаздың жайын ойлайтын, қыстың сызы қайтқан уақыт. Бұл күннің өскелең ұрпақты ізеттілік пен мейірімділікке, ауызбіршілік пен кішіпейілділікке, татулық пен бауырмалдыққа бастайтын тағылымы мол. Бұл күні "Амал келді – Жыл келді" атты мерекелік іс-шара өтті. Іс-шарада бір-бірімен амандасып, жақсылық тілеп, ілтипат білдіретін дәстүрлер көрініс тапты. Әдет-ғұрыпқа сай шашу шашылып, Ақ бата берілді.