Мақал сөздің мәйегі

Х.Өзбекғалиев атындағы Маңғыстау жоғары политехникалық колледжінде ағымдағы жылдың 31 қаңтар күні колледж кітапханашыларының ұйымдастыруымен “ Оқуға құштар колледж ” жобасы аясында “ Мақал сөздің мәйегі “ атты мақал-мәтелдер сайысы ұйымдастырылды.

Мақсаты: Студенттердің ойлау,тыңдау, жазу, әңгімелесу қабілеттерінің жылдамдығын, білім қабылдау дағдыларын дамыту, сондай-ақ ортада өзін-өзі ұстауға, білімін көрсету білуге, адамгершілікке, ұйымшылдыққа, ортаға қамқорлықпен қарауға тәрбиелеу. Халық ауыз әдебиетіне деген қызығушылығын арттыру.

Сайысқа ТЖ 23-01 с тобының студенттері қатысты. Студенттер 2 топқа бөлінді: 1ші және 2 ші команда болып. Сайыс 5 бөлімнен тұрды.

1.кезеңде мақалдың қай тақырыпқа байланысты айтылғанын табу;

2.кезеңде мақал-мәтелдерді дұрыс құрастыру;

3.кезеңде “ ойлан тап ” яғни қойылған сұрақтарға мақал-мәтелдермен жауап беру;

4.кезеңде мақал-мәтелдердің бір сөзі түсіп қалған сол сөзді тауып, орыс тіліне аудару;

5.кезеңде мақал-мәтелдердің жалғасын табу;

Сайыс өте жоғары деңгейде өтті.  

•